Ho͘-bá-lìn-guh

Ho·-bá-lìn-guh (Eng-gí: Hovering, Hàn-jī: 停懸) sī Ji̍t-gí hoat-im ê Tâi-gí iōng-hoat, mā sū it-poaⁿ teh sńg iâu-khòng ti̍t-seng-ki ê lâng ê kóng-hoat.

Ho·-bá-lìn-guh sī iâu-khòng ti̍t-seng-ki siōng ki-pún ê tōng-cho·k. Beh o̍h ē-hiáu poe iâu-khòng ti̍t-seng-ki, tio̍h ài ùi ho·-bá-lìn-guh khai-sí o̍h khí.

Phiau-chún ê ho·-bá-lìn-guh, tio̍h ài hō· ti̍t-seng-ki thêng-tī kò·-tēng ê koân-to·, pó-chhî tī khong-tiong kò·-tēng ê 1-ê tiám.

In-ùi poe iâu-khòng ti̍t-seng-ki ê sî, chho-cho·k ê lâng sī tī ti̍t-seng-ki gōa-kháu, só·-í ài liān-si̍p bīn-tùi bô-kâng hong-hiòng ê ti̍t-seng-ki chu-sè. Múi 1-ê hong-hiòng ê ho·-bá-lìn-guh lóng o̍h ē-hiáu, bē phah m̄-tio̍h tōng-cho·k ê sî-chūn, chiah sǹg sī kā chit-ê ki-pún tōng-cho·k o̍h chiâu-chn̂g.