"Lū Siù-liân" pán-pún chi-kan bô-kāng--ê tē-hng

Àn Bí-kok tò-tńg-khì Tâi-ôan liáu-āu, Lū Siù-liân bat tiàm '''Hêng-chèng-īⁿ Hoat-kui Úi-ôan-hōe''' chò kòe kho-tiúⁿ, choan-ôan kah chu-gī (谘议), āu--lâi, koh bat tī ''Tiong-kok Sî-pò'' kah ''Tâi-ôan Sî-pò'' tām-jīm choan-nôa chok-ka (专栏作家), hit-sî, i tī [[Ko-hiông]] kah [[Tâi-pak]] siat-li̍p '''pó-hō· lí''' choan-sòaⁿ, thê-chhiòng pó-hō· hū-lú kôan-lī, sok-chō '''sin lú-sèng''', chū án-ne, ta̍uh-ta̍uh-á khai-sí chìn-hêng '''hū-lú ūn-tōng'''. Lū Siù-liân pún-jiân sī [[Kok-bîn-tóng]] tóng-ôan, m̄-koh àn 1974 nî khai-sí to̍h chin-chió chham-ka Kok-bîn-tóng ê tóng-bū o̍ah-tōng. Āu--lâi i khui chhut-pán-siā (miâ hō-chòe '''Thok-hong-chiá''' <拓荒者>), ka-tī chò chhut-pán-siā ê siā-tiúⁿ, chhú-khì i kiâⁿ-hiòng '''tóng-gōa hóan-tùi sè-le̍k''' chit-tiâu ê tō-lō·. 1978 nî, the̍h-tio̍h Bí-kok '''Harvard Tāi-ha̍k''' (Harvard University) hoat-ha̍k sek-sū ê ha̍k-ūi. Pún-jiân, i koat-tēng beh tī chit-ê sî-chūn tńg-lâi Tâi-ôan chham-sóan Thô-hn̂g tē-khu ê cheng-gia̍h [[li̍p-hoat úi-ôan]], put-jī-kò āu--lâi i pēng-bô án-ne chò, tian-tó sī í tóng-gōa jîn-sū ê sin-hūn chham-sóan Thô-hn̂g-kōan ê [[kok-tāi tāi-piáu]]. In-ūi án-ne, Kok-bîn-tóng soah-lâi khai-tû i ê [[tóng-che̍k]]. Mā to̍h-sī tī chit-1-nî ê nî-tē, Bí-kok soan-pò· kah Tâi-ôan tōan-cho̍at gōa-kau koan-hē, Lū Siú-liân hām 50 gōa ê Kok-bîn-tóng ê tóng-gōa jîn-sū thīn-thâu, hoat-piáu só·-ūi ê '''kok sī seng-bêng''', ho·-iok siā-hōe kok-kài to̍h-ài '''kian-chhî chú-tiuⁿ Tâi-ôan ê miā-ūn iû 1700-bān jîn-bîn ka-tī chò koat-tēng''', i koh kóng '''chéng-kô Tâi-ôan ê le̍k-sú sī 1-phō hō· gōa-lâi cho̍k-kûn thóng-tī kah hóan-khòng kiông-kôan ê bîn-cho̍k ūn-tōng sú''', kiông-tiāu Kok-bîn-tóng sī '''gōa-lâi chèng-kôan'''.

 

 

[[zh:吕秀蓮]]