Australia ê Liân-pang-hòa

Australia ê Liân-pang-hòa (eng. Federation of Australia) sī Queensland, New South Wales, Victoria, Tasmania, South Australia, kap Western Australia liân-ha̍p sêng-li̍p Australia Kiōng-hô-thé (Commonwealth of Australia), kiàn-li̍p liân-pang-chú-gī hē-thóng ê kòe-têng. Fiji kap New Zealand tāi-seng mā chiàm chi̍t hūn, m̄-koh tè-bé koat-tēng bô ài ka-ji̍p. Tong Australia Hiàn-hoat tī 1901 nî 1 goe̍h 1 ji̍t si̍t-si ê sî-chūn, goân si̍t-bîn-tē chò-hóe piàn chiâⁿ Australia Kiōng-hô-thé ê chiu (state).