GmbH (IPA: [geː ʔɛm beː haː]) sī Tek-gí "iú-hān chek-jīm kong-si" (Gesellschaft mit beschränkter Haftung; ho͘-im: [gəˈzɛlʃaft mɪt bəˈʃʁɛŋktɐ ˈhaftʊŋ]) ê lio̍k-siá . Che sī Tek-kok, Ò-tē-lī (mā ēng GesmbH), Sūi-se (Hoat-gí lio̍k-siá S.à r.l.) kap Liechtenstein thong-hêng ê hoat-lu̍t si̍t-thé.

Ki-pún ê hêng-sek sī kong-si só͘-iú-chiá ia̍h kó͘-tong bô tùi kong-si chè-bū hū kò-jîn ê chek-jīm; tiō sī kóng chè-khoân-jîn bô-hoat-tō͘ hiòng hia-ê kò-jîn chu-sán khì thó kong-si só͘ khiàm ê siàu. Chiàu Tek-kok hoat-lu̍t, sǹg sī chi̍t khoán hoat-jîn.