Hòa-ha̍k bú-khì (化學武器), kán-chheng chò hòa-bú (化武), sī tī hòa-ha̍k chiàn-cheng sî sú-iōng ū to̍k-sèng ê hòa-ha̍k bu̍t-chit chò-ûi bú-khì. Chit khoán bú-khì hām he̍k-chú bú-khì kap seng-bu̍t bú-khì lóng sio̍k-î "tōa kui-bô͘ sat-siong-sèng bú-khì". Thong-kòe sek-tong ê pó-hō͘ chong-pī, pôe-hùn kap pâi-tû u-jiám chhò͘-si, hòa-ha̍k bú-khì ê chú-iàu chok-iōng ē-tàng tit-tio̍h iú-hāu ap-chè. Chē-chē kok-ka ióng-iú tōa-liōng bú-khì-hòa ê hòa-ha̍k chè-che khò͘-chûn chò pī-chiàn chi iōng.