Halifax Tē-khu Chhī (Eng-gí: Halifax Regional Municipality, kán-chheng HRM, tiāⁿ-tiāⁿ hông kóng-chò Halifax) sī Canada Nova Scotia Séng ê siú-hú, tiàm tī Nova Scotia ê tang-lâm hái-hoāⁿ. I ê jîn-kháu chhiau-koè 35-bān, sī Canada Tāi-se-iûⁿ hái-hoāⁿ thōng chē lâng toà ê siâⁿ-chhī.

Tī 1996-nî, Nova Scotia chèng-hú kā Halifax Chhī, Dartmouth, Bedford kap Halifax Koān-chhī chit-4-ê siâⁿ-tìn kap-chò-hoé, kiàn-li̍p hiān-chú-sî ê Halifax Tē-khu Chhī. Chit-4-ê siâⁿ-tìn chit-má í-keng m̄-sī si̍t-chè-siōng ê hêng-chèng tan-ūi ah; put-jî-kò, chāi-tē-lâng phó·-thong-sî kóng-oē iû-goân sī ēng in kū-ê miâ.