Heo Jun
Khó͘ Chùn (許浚, 허준; 1546 nî~1615 nî), pió-jī Chheng-goân(清源), hō Ku-gâm(龜岩), sī Hân-kok Tiâu-sián ông-tiâu Tiâu-sián Soan-chó͘ kah Kong-hái Kun sî-tāi ê chi̍t ūi chin chhut-miâ ê hàn-i. Siū hong Iông-pêng Kun(陽平君), chēng chiàⁿ-it-phín Hú-kok Êng-lo̍k Tāi-hu(輔國榮祿大夫).
Khó͘ Chùn sī Tong-i Pó-kàm(東醫寶鑑) ê chok-chiá, tùi hàn-i ê hoat-tián ē-sái kóng sī kòng-hiàn chin toā, hiō-sè kā i hō-chòe Hân-kok I-sèng(韓國醫聖).