Le̍k-sek chèng-tī (綠色政治; Tek: Grüne Politik) sī chi̍t khoán kā bo̍k-phiau khǹg tī seng-thài kap khoân-kéng téng ê chèng-tī su-sióng, it-poaⁿ ē thàu-kòe chháu-kun-sek kap chham-ú-sek ê bîn-chú thé-chè lâi ta̍t-sêng in-ê bo̍k-phiau. Le̍k-sek chèng-tī chú-iàu sī iû le̍k-sek ūn-tōng ê chham-ú-chiá só͘ thê-chhiong, in ùi 1980 nî-tāi khai-sí tī thong-sè-kài sêng-li̍p le̍k-tóng.

Le̍k-sek sī ùi tek-bûn ê Grüne hoan-e̍k kò-lâi, tī 1970 nî-tāi bóe-kî sêng-li̍p ê Tek-kok Le̍k-tóng mā sī sè-kài-siōng tē-it sêng-kong ê le̍k-tóng.