Liân-ha̍p-kok Hōe-kî

Liân-ha̍p-kok Hōe-kî (Hàn-jī: 聯合國會旗) sī Liân-ha̍p-kok tāi-hōe ê hōe-kî. Chit bīn hōe-kî chū 1946 nî 12 goe̍h 7 ji̍t khai-sí sú-iōng kàu taⁿ. Tī nâ-sek té-sek ê kî-á bīn-téng ū pe̍h-sek ê Liân-ha̍p-kok piau-chì; nâ-sek kap pe̍h-sek sī Liân-ha̍p-kok ê koaⁿ-hong sek-chhái. Tī chit-ê Liân-ha̍p-kok piau-chì ê tiong-ng, sī chi̍t-ê sè-kài tē-tô͘; iōng kan-ná ê hio̍h-á kā pau-ûi khí-lâi. Kan-ná hio̍h-á tāi-piáu ê sī hô-pêng; sè-kài tē-tô͘ tāi-piáu thong-sè-kài só͘-ū ê lâng. Bo̍k-chêng ê hōe-kî kap tong-sî tē-it pán chin lūi-sū, kan-na sè-kài tē-tô͘ ê ūi-tì bô-kāng.

Liân-ha̍p-kok Hōe-kî
Pí-lē 2:3 ia̍h-sī 3:5
Chhái-iōng 1946 nî 12 goe̍h 7 ji̍t
Siat-kè Nâ-sek ê té kap pe̍h-sek ê Liân-ha̍p-kok piau-chì.
Siat-kè-chiá Donal McLaughlin

Gōa-pō͘ liân-kiat siu-kái

 

Wikimedia Commons téng ê siong-koan tóng-àn: United Nations flags and insignia