Môa-hn̂g Kok-bîn Sió-ha̍k

tī Tâi-oân Sin-tek-koān ê kok-sió

Môa-hn̂g kok-sió sī Sin-tek koān hat-ē ê kok-bîn sió-ha̍k. Ūi-tì tī Tek-pak-chhī Môa-hn̂g-lí.

Hāu-sú siu-kái

1916 nî tī ha̍k-hāu hiān-chai ê só͘-chai tio̍h siat-li̍p ū chi̍t-keng ha̍k-hāu, chit-keng ha̍k-hāu si Chhiū-hōaⁿ-thâu Kong-ha̍k-hāu Môa-hn̂g hun-hāu. Che-sī Tek-pak thih-ki lō͘ sai-pêng ê tē-it-keng ha̍k-hāu.

Chit-keng ha̍k-hāu tī 1920 nî to̍k-li̍p chòe Môa-hn̂g Kong-ha̍k-hāu. 1922 nî sóa-khì Sin-siā, kái-miâ chòe Sin-siā Kong-ha̍k-hāu, sī hiān-chāi Sin-siā Kok-sió kap Tek-pak Kok-sió ê chian-sin.

1960 nî 6 goe̍h sêng-li̍p Hong-tiân Kok-hāu Môa-hn̂g Hun-hāu. 1963 nî 8 goe̍h 17 ji̍t to̍k-li̍p chiâⁿ-chòe Môa-hn̂g Kok-hāu. 1968 nî 8 goe̍h 1 ji̍t, in-ūi choân-kok si̍t-si káu-nî kok-bîn kàu-io̍k, kái-miâ kiò Môa-hn̂g Kok-bîn Sió-ha̍k.