Ngô͘ Kim-liān (吳金鍊; 1913 nî1947 nî), Tâi-oân Sin-seng-pò chóng-piān-chip, bû-kò͘ hōng lia̍h khì siū-hāi.

Ngô͘ Kim-liān, Tâi-pak-chhī lâng, Tang-kiaⁿ Bûn-hoà-ha̍k-īⁿ Bûn-ha̍k-pō͘ chhut-giap. Tī Tâi-oân Sin-mîn-pò chèng-tī-pō͘ ho̍k-bū. Tāi-chiān bé kî, choân Tâi-oân ê pò-choá lóng piān chò chi̍t kin Tâi-oân-sin-pò. Chiàn-āu koh kái chò Tâi-oân Sin-seng-pò. Chiàn-āu chho͘-kî ū Ji̍t-bûn-pán; Ngô͘ Kim-liān chiū tam-jīm Ji̍t-bûn-pán ê chóng-piān-chip. Ji̍t-bûn-pán tuì sî-chèng kap siā-hoē ê put-kong-put-gī lóng chin chù-ì, 1946 nî 10 goe̍h 25 ji̍t Ji̍t-bûn-pán pī hoè-chí.

Jī-jī-pat Sū-kiāⁿ hoat-seng liáu-āu, goân-pún Tâi-oân Hêng-chèng-tiúⁿ-koaⁿ Kong-sú kìm-chí pò-choá pò-tō. Put-kò siū tio̍h bîn-chiòng ê ap-le̍k, Tâi-oân Sin-seng-pò tuì Sū-kiāⁿ ū chin chheng-chhó ê pò-tō mā hui-hok Ji̍t-bûn-pán. 3 goe̍h 12 ji̍t Ngô͘ Kim-liān chiū bû-kò͘ hōng lia̍h khì lâi siū-hāi. I khì hōng lia̍h--khì ê sî, in bó͘ tú-hó ū-sin.