Pùn-sò (糞埽), sī bô-su-iàu ia̍h-sī bô-lō͘-iōng ê kò͘-thé kap liû-thé bu̍t-chit, ia̍h chio̍h sī hòe-khì-bu̍t ê chi̍t khoán. Tī jîn-kháu bi̍t-chi̍p ê tōa siâⁿ-chhī, chia̍p-khoàⁿ ê pùn-sò chhú-lí hong-hoat sī tī siu-chi̍p liáu-āu sàng-óng iám-mâi-tiûⁿ, ia̍h-sī sú-iōng hûn-hòa-lô͘ kā hóe-hòa. Put-jî-kò, nn̄g-khoán hong-sek lóng ē chō-sêng khoân-kéng pó-hō͘ ê būn-tê, nā chiong-chí kòe-thâu siau-hùi, khó-lêng tiō ē-sái chìn-chi̍t-pō͘ kiám-khin iám-mâi-tiûⁿ ê páu-hô thêng-tō͘. Iám-mâi-tiûⁿ ê pùn-sò nā chhú-lí bô-hó-sè, khó-lêng ē ù-jiám tē-hā-chúi kap hoat-chut chhàu-bī, jî-chhiáⁿ chē-chē siâⁿ-chhī ē-sái iám-mâi ê só͘-chāi sī lú-lâi-lú chió. Hóe-hòa bô-hoat-tō͘ pī-bián lâi sán-seng ū-to̍k ê khì-thé, gûi-hāi seng-bu̍t-thé ê sin-thé kiān-khong. To-sò͘ ê siâⁿ-chhī lóng teh gián-kiù àn-choáⁿ lâi kiám-chió pùn-sò ê hong-hoat kap kó͘-lē chu-goân hôe-siu.

Chng pùn-sò ê saⁿ-lián-chhia