Siōng Thài
Siōng Thài (尚泰, ショーテー) sī Liû-kiû-kok ê tē-28 tāi Tiong-san-ông, mā sī Liû-kiû le̍k-sú siōng ê chòe-āu chi̍t ūi kok-ông; 1848 nî kàu 1879 nî chāi-ūi.
Seng-pêng siu-kái
Siōng Thài sī 27 tāi kok-ông Siōng Io̍k(尚育) kah ông-hui Hiòng Goân-cheng(向元貞) ê chhù-lâm. Tōa-hiaⁿ Siōng Chùn(尚濬) tī 1844 nî kòe-sin liáu-āu, i sêng-uî sè-chú.
1848 nî 6 goe̍h 8 ji̍t, 4 hòe ê Siōng Thài kè-sêng ông-ūi. In-ūi i iáu siuⁿ sòe-hàn, kok-chèng lóng sī thài-hui Hiòng Goân-cheng teh liap-chèng.