Si Chông-tông (施崇棠; 1952 nî 8 goe̍h 12 ji̍t chhut-sì ), Tâi-oân Chiong-hòa Lo̍k-káng lâng, bo̍k-chiân sī Hôa-se̍k Tiān-náu kap Hôa-ûn Kho-ki ê táng-sū-tiúⁿ. Si Chông-tông sī kong-bū-oân ka-têng chhut-sin, lāu-pē Si Gī-phoan (施議藩) tī Chiong-hòa-koān Sòe-koan-khe-teng-chhù ê chóng-bū pō͘-bûn chiū-chit. Si Chông-tông tī Kok-li̍p Chiong-hòa Ko-tiong chiū-tho̍k, ùi Kok-li̍p Tâi-oân Tāi-ha̍k Tiān-ki-hē pit-gia̍p, koh tī Kok-li̍p Kau-thong Tāi-ha̍k Koán-lí Gián-kiù-só͘ chìn-siu. 27 hòe chìn-ji̍p Hông-ki, bat chhut-jīm Hông-ki ê hù-chóng-keng-lí, chú-koán hē-thóng tiān-náu sū-gia̍p-kûn. 1992 nî ēng ūi-chhut-hoeh chò lí-iû, lī-khui kang-chok 15 tang ê Hông-ki, kàu Bí-kok khì hiu-iáng pòaⁿ-tang, hôe-kok āu tī 1992 nî 11 goe̍h chèng-sek ka-ji̍p Hôa-se̍k kàu-taⁿ.

Si Chông-tông (2007)