Sobeknofru (iok Ch. 1785 nî chhut-sì) sī Ai-ki̍p tī tāi-khài Ch. 1789 nî chó-iū kè-sêng Tē-12 ông-tiâu ê bóe tāi kok-ông.

Sobeknofru sī kok-ông Amenemhat 3-sè ê cha-bó͘-kiáⁿ, chiàu Ai-ki̍p tong-sî thoân-thóng, i kap i-ê hiaⁿ-tī kiam sian-on̂g ê kè-sêng-chiá Amenemhat 4-sè kiat-hun, chóng-sī chio̍h-pán ê kì-su̍t bô hoat-tō͘ khak-tēng sī-m̄-sī ū lēng-gōa ê chí-moāi mā hō Sobeknofru.

Amenemhat 4-sè thóng-tī té-chām ê chi̍t tōaⁿ sî-kan, bô lāu lo̍h cha-po͘-kiáⁿ thang kè-sêng, ông-ūi to̍h thoân kòe Sobeknofru. Lú-sèng chiap-ūi tī tong-sî Ai-ki̍p sī bô phó͘-phiàn--ê, le̍k-sú-ka mā bô khak-tēng Sobeknofru chia̍p-ūi ê lí-iû.

Sobeknofru chāi-ūi tāi-iok 3 tang, mā bô kè-sêng-chiá thang chiap-ūi, ông-tiâu tio̍h kàu i kiat-sok, chóng-sī thóng-tī kiat-sok ê goân-in mā bô chheng-chhó. Tòe teh soah-bóe ê koh ū Ai-ki̍p ê Tiong-ông-kok (Middle Kingdom) sî-tāi, sòa--lo̍h-lâi sī Tē-jī Tiong-kan-kî (Second Intermediate Period ).

Chham-chiàu siu-kái

  • Joyce E. Salisbury (2001). "Sobeknofru". Encyclopedia of women in the ancient world. ISBN 1-57607-585-0.