Teng (hêng-chèng-khu)

Teng (町), sī Ji̍t-pún ēng tī ke-chhī só͘-chāi ê sió hoān-ûi hêng-chèng tan-ūi. Tī Ji̍t-pún-oē, "teng" ê Hàn-jī siá chò "町", tha̍k-im chú-iàu hun nn̄g khoán, tan-to̍k ê sî tha̍k "machi" (まち kunrei-siki: mati); nā chia̍p tī tē-miâ tiaⁿ tha̍k chò "chio͘ " (ちょう tyô).

Tâi-oân

Chit khoán hêng-chèng-khu tī Tâi-oân siū Ji̍t-pún thóng-tī ê sî mā ū ēng, chiàn-āu hong hùi-tû, m̄-koh ū-ê teng miâ kè-sio̍k hō chāi-tē lâng ēng chò tē-miâ, chhan-chhiūⁿ Tâi-pak-chhī ê "Se-mn̂g-teng" (西門町, Nisimon-tyô).