"Tâi-oân tē-ūi bī-tēng lūn" pán-pún chi-kan bô-kāng--ê tē-hng

刪去的內容 新增的內容
無編輯摘要
Tē 3 chōa:
 
== Ki-chhó͘ ==
Chiàu kok-chè-hoat, Tâi-oân tī chiàn-āu Ji̍t-pún tâu-hâng, tông-bêng-kok ê [[Ji̍t-pún ê Chiàm-niá|kun-sū chiàm-niá]] khai-sí liáu-āu, kàu tông-bêng-kok tùi [[Ji̍t-pún]] ê hô-pêng tiâu-iok chhiam-tēng jî-chhiá si̍t-si chìn-chêng, sī sǹg chò Tiong-kok chiàm-niá ê Ji̍t-pún léng-thó͘.<ref name="Economist19500708">{{cite journal|journal=The Economist|title=The Legal Status of Formosa|date=1950-07-08}}</ref> 1951 nî, [[San Francisco Tiâu-iok]] (''Treaty of San Francisco'') chhiam-tēng, tang-tiong Ji̍t-pún hòng-khì tùi Tâi-oân ê chú-khoân, m̄-koh bô choán-î khì pa̍t-ê kok-ka. Tùi chit hāng an-pâi khai-sí, Bí-kok, Eng-kok<ref name="Hudson1955">{{cite journal|title=The Basis for Our Defense of Formosa|author=G. F. Hudson|date=1955-01-01|journal=Commentary}}</ref>, sī chú-tiuⁿ Tâi-oân bô sio̍k Tiong-kok léng-thó͘, Tâi-oân ê kui-sio̍k tī kok-chè-hoat siōng sī bī-tēng--ê.<ref name="Parliament19550201"/> Che to̍h sī Tâi-oân tē-ūi bī-tēng-lūn ê ki-chhó͘.
 
== Gī-lūn ==
Hit-chūn chiàm Tâi-oân ê [[Tiong-hôa Bîn-kok]] chèng-hú, kap Tiong-kok sin sêng-li̍p ê [[Tiong-hôa Jîn-bîn Kiōng-hô-kok]] chèng-hú, sī lóng chú-tiuⁿ Tâi-oân ài chiàu chá-chêng ê [[Cairo Soan-kò]] (''Cairo Declaration'') kui-ji̍p Tiong-kok léng-thó͘.<ref name="FA195804">{{cite journal|title=The China Impasse: A Formosan View|author=Lí Thian-hok|date=1958 nî 4 goe̍h|journal=Foreign Affairs}}</ref> Chóng-sī hit-tang-chūn sêng-jīn Tiong-hoa Jîn-bîn Kiōng-hô-kok ê Eng-kok, ia̍h sêng-jīn Tiong-hoa Bîn-kok chèng-hú ê Bí-kok,<ref>{{cite news|title=Treaty Goals Set|date=1951-07-13|newspaper=The New York Times}}</ref> lóng jīn-ûi Cairo Soan-kò í-keng kòe-sî--ah.<ref>{{cite newspaper|title=Strategy is Cited on Chiang Treaty|author=Dana Adams Schmidt|newspaper=The New York Times|date=1955-01-30}}</ref> Pí-lūn Eng-kok ê siú-siòng [[Winston Churchill]] tī 1955 nî 2 goe̍h 1 ji̍t kok-hōe leh gī-lūn sī-m̄-sī ài kā Tâi-oân sàng hō͘ Tiong-kok ê sî, i kóng Cairo Soan-kò hoat-pò͘ liáu-āu, chin chē tāi-chì lóng piàn--ah. Koh kóng "Formosa tī bī-lâi ê chú-khoân che būn-tê, keng-kòe Ji̍t-pún Hô-pêng Tiâu-iok sī lâu chò bī-tēng--ê."<ref name="Parliament19550201">{{cite web|title=FORMOSA (SITUATION)|date=1955-02-01|url=https://api.parliament.uk/historic-hansard/commons/1955/feb/01/formosa-situation|accessdate=2018-09-03}}</ref>
 
== Chham-chiàu ==