Be̍k-se-ko Bâ-io̍h Chiàn-cheng

Be̍k-se-ko hoán bâ-io̍h bo̍k-e̍k chiàn-cheng (Se-gí: Guerra contra el narcotráfico en México) sī kàu 2018 nî koh tng teh hoat-seng ê kē kiông-tō͘ chiàn-cheng, sǹg sī Bí-kok ê Bâ-io̍h Chiàn-chengBe̍k-se-ko ê chiàn-tiûⁿ. Tùi-khòng ê siang-hong chú-iàu sī Be̍k-se-ko Chèng-hú kap chē kûn bâ-io̍h seng-lí chi̍p-thoân.

Be̍k-se-ko kun-tūi chū 2006 nî khai-sí chham-ka kàng-kē io̍h-bu̍t siong-koan po̍k-le̍k ê sū-bū. Be̍k-se-ko chèng-hú chú-iàu ê chiau-tiám sī tī tùi-khòng bâ-io̍h chi̍p-thoân (cartel), Bí-kok chú-iàu choan-bûn tī bâ-io̍h bé-bē ê thê-hông.

Chū Colombia ê Cali ka Medellín chi̍p-thoân tī 1990 nî-tâi sit-sè liáu-āu, Be̍k-sek-ko chāi-tē ê bâ-io̍h chi̍p-thoân éng-hióng-le̍k chiō tian-tó chin-ka. Chiàu 2007 nî sò͘-jī, Be̍k-kok ê bâ-io̍h chi̍p-thoân khòng-chè Bí-kok 90% ê cocaine su-ji̍p.[1]

Chiàu chóng-thóng Felipe Calderón jīm-kî kiat-sok sî-chūn (2012 nî) ê koan-hong thóng-kè, Be̍k-se-ko Bâ-io̍h Chiàn-cheng tong-sî í-keng chō-sêng siōng-bô 60,000 lâng sí-bông.[2] Lēng-gōa tī 2013 nî, ia̍h ū ko͘-kè sí-bông jîn-sò͘ ta̍t kàu 120,000 kap sit-chong 27,000 lâng.[3][4]

Chham-chiàu siu-kái

  1. Cook, Colleen W. (16 October 2007). Mexico's Drug Cartels (PDF). CRS Report for Congress. Congressional Research Service. p. 7. 10 May 2016 khòaⁿ--ê. 
  2. Miroff, Nick; Booth, William (26 November 2011). "Mexico's drug war is at a stalemate as Calderon's presidency ends". The Washington Post. Goân-pún bāng-ia̍h Pó-chûn tī 1 December 2012. 1 December 2012 khòaⁿ--ê. 
  3. Booth, William (30 November 2012). "Mexico's crime wave has left about 25,000 missing, government documents show". The Washington Post. Goân-pún bāng-ia̍h Pó-chûn tī 1 December 2012. 1 December 2012 khòaⁿ--ê. 
  4. Counting Mexico's drug victims is a murky business Archived 2016-05-28 at the Wayback Machine. National Catholic Reporter, by Claire Schaeffer-Duffy, Mar. 1, 2014