Gī-hōe keng-lí-lâng chèng-hú

Gī-hōe keng-lí-lâng chèng-hú hêng-sek (council–manager government form) sī Bí-kok nn̄g khoán chú-liû ê tē-hng chèng-hú hêng-sek chi it (lēng-gōa chi̍t khoán sī chhī-tiúⁿ gī-hōe chèng-hú). Gī-hōe keng-lí-lâng chèng-hú tī Bí-kok ê kūn chèng-hú mā ū leh ēng. Tī Kha-ná-tah kap Ài-ní-lân mā ū chit khoán chèng-hú leh ūn-choán.

Hêng-sek siu-kái

Gī-hōe keng-lí-lâng hêng-sek kap kong-khai kong-si (public company) ū beh kâng. Chit khoán hêng-sek ū siat chi̍t-ê soán-kí sán-seng ê tī-lí ki-koan, it-poaⁿ hō chò council ("gī-hōe"), iā board of aldermen téng-téng, sī hū-chek tī li̍p-hoat-khoân lō͘-iōng pí-lūn kiàn-li̍p chèng-chhek, tē-hng tiâu-lē (local ordinance), tâu-phiò koat-tēng hun-phòe (appropriation), kap hoat-tián lí-sióng, kap kong-si ê táng-sū-hōe beh kâng.

Li̍p-hoat ki-koan chí-tēng chi̍t-ê choan-gia̍p ê keng-lí-lâng (manager) khì kàn-tok hêng-chèng ūn-choán, si̍t-hêng chèng-chhek, kiam thê-chhut ì-kiàn. Chit-ê keng-lí-lâng ê khang-khòe toh kap kong-si ê chi̍t-hêng-tiúⁿ (CEO) beh kâng. Ùi pún khoán hêng-sek ê chèng-hú, "chhī-tiúⁿ" (mayor) ūi tiāⁿ-tiāⁿ sī gî-sek sèng-chit ê hâm-thâu, ē-tàng tùi gī-hōe gī-oân lāi-té kéng, mā ū keng-kòe soán-kí soán chò bô chi̍t-hêng lō͘-iōng ê gī-oân, kap kong-si bô chi̍t-hêng khoân ê chóng-chhâi beh kâng.