Hîm (tiān-iáⁿ)
Hîm sī 1988 nî Hoat-kok ê kàm-tok Jean-Jacques Annaud phah ê tiān-iáⁿ, loē-iông kin-kù Bí-kok chok-ka James Oliver Curwood ê 1 pún siáu-soat. Chit-chhut tiān-iáⁿ ê ián-oân, pāu-koat jîn-lūi chāi-lāi, lóng bô kah-jōa kóng-ōe. Khoàⁿ-·khí·lâi kan-ná sī chiâⁿ-sı̍t tī soaⁿ-nâ-lāi hoat-seng ê tāi-chì, khêng-sı̍t tōng-bu̍t ê ián-chhut sī khoaⁿ-khoaⁿ-á siat-kè kòe-·ê, hō͘ i ū gí-jîn-hòa ê ì-gī. Phah-phìⁿ ê tōe-tiám tī Bí-kok.
Kio̍k-chêng siu-kái
1-chiah hîm-bó chhōa i ê hîm-á-kiáⁿ teh chia̍h phang-bı̍t, bô-tiuⁿ-tî soah hō͘ soaⁿ-téng lak-·lo̍h·lâi ê tōa-chio̍h-thâu cheng-·sí. Hîm-á-kiáⁿ khì se̍k-sāi 1-chiah hō͘ la̍h-jîn phah-tio̍h-siong ê hîm-kang, 2-ê piàn-chò hó-pêng-iú. Hîm-kang kā io-chhī, pó-hō͘. La̍h-jîn bô phah-tio̍h hîm-kang, m̄-kam-goān, tńg-·khì chhōa káu koh lâi. Hîm-á-kiáⁿ hông lia̍h-·khì chhī 1-mî, keh-tńg-kang 1-ê la̍h-jîn bô-chah-chhèng khì tú-tio̍h hîm-kang, hîm-kang bô kā-·i, kan-taⁿ tùi i tōa-siaⁿ jiáng, kan-ná teh kā kà-sī. Chit-ê la̍h-jîn chin kám-sim, bô beh koh kā thâi, ta̍k-ke chio-chio-·leh tńg-·khì, hîm-á-kiáⁿ mā pàng-i-khì.
Tāu-tì-sek siu-kái
- Hîm-kang ōe chia̍h hîm-á-kiáⁿ.
- Ián hîm-kang ê Bart sī Hollywood chhut-miâ ê tōng-bu̍t bêng-chhiⁿ, phah kòe chiâⁿ-chōe tiān-iáⁿ, 2001 nî khang-khòe ê sî kòe-sin. I sī 1 chiah Kodiak chong-hîm.