Jîn-bîn Kiōng-hô-kok

Jîn-bîn Kiōng-hô-kok (人民共和國) chit-ê miâ-hō thong-siông sī Marx-Lenin-chú-gī ê chèng-hú the̍h-lâi hêng-iông in-ê kok-ka ê iōng-gú. Sú-iōng chit-ê iōng-gú ê pòe-āu ê tōng-ki sī in-ūi Marx-Lenin-chú-gī chèng-hú soan-chheng in tāi-piáu tio̍h kok-ka siōng kóng-tāi jîn-bîn ê ki-pún lī-ek, só͘-í siā-hōe-chú-gī kiōng-hô-kok iā téng-î sī jîn-bîn kiōng-hô-kok. Chin chē chit lūi ê kok-ka chāi hiàn-hoat téng chheng-hō in sī siā-hōe-chú-gī kok-ka. Tī se-iûⁿ, Marx-Lenin-chú-gī chèng-hú koán-tī ê kok-ka ū-tang-sî pī hō-chò kiōng-sán-chú-gī kok-ka he̍k-chiá sī kiōng-sán-chú-gī kiōng-hô-kok.