Sè-kài

Sè-kài chit-ê sû ê ì-sù siōng-bô ū:

• Piáu-sī tē-kiû lóng-chóng ê mi̍h, koh mā-sī kóng tē-kiû-téng lóng-chóng ê kok-ka, khu-he̍k ê ì-sù.
• Piáu-sī ú-tiū, iā-chiū-sī lóng-chóng ê bu̍t-chit-sè-kài ê ì-sù.
• Piáu-sī jîn-lūi siā-hoē, sī kóng choân-jîn-lūi ê siā-hoē ê ì-sù.
• Kong-ke ū kāng-chi̍t-khoán bûn-bêng, bûn-hoà ê siā-hoē, pí-lūn-kóng "Ki-tok-kàu sè-kài", "Islam sè-kài" téng-téng. Tī léng-chiàn ê sî-tāi, lán mā ē kóng tē-it sè-kài, tē-jī sè-kài kap tē-saⁿ sè-kài lâi piáu-sī tī bô-kâng tīn-iâⁿ lāi-té chò-tīn ê kok-ka.

Image of the physical world, captured by the Hubble Space Telescope

It-poaⁿ lán kóng sè-kài, khah-chē sī chí tē-it-ê ì-sù: tē-kiû-téng lóng-chóng ê mi̍h (pau-koat kok-ka, khu-he̍k téng-téng chāi-lāi).

Sè-kài ê hun-khu

Lán lâng ē kā tē-kiû-téng ê sè-kài hun-khu, m̄-koh nā siūⁿ-hoat kap piau-chún koh-iūⁿ, án-choáⁿ hun tō ū cheng-chha--ah.

Chò-kui-ê lâi hun

• Hui-chiu kap Au-a tāi-lio̍k (kū tāi-lio̍k)
  • Au-a tāi-lio̍k: Au-chiu, A-chiu
  • Hui-chiu
• Bí-chiu
  • Lâm-bí-chiu (Latin Bí-chiu)
  • Pak-bí-chiu (Anglo Bí-chiu)
• Tāi-iûⁿ-chiu
  • Australia
• Lâm-ke̍k
• Ēng chhiah-tō lâi hun: Pak-poàⁿ-kiû, Lâm-poàⁿ-kiû
• Ēng pún-chhoe chú-ngó·-soàⁿ kap kok-chè ji̍t-kài-soàⁿ lâi hun: Tang-poàⁿ-kiû, Se-pòaⁿ-kiû
• Ēng lio̍k-tē kap hái-iûⁿ ê pí-lē koân-kē lâi hun: Soaⁿ-poàⁿ-kiû, chúi-poàⁿ-kiû

Pō·-hūn hun-khu

• Khoân-thài-pêng-iûⁿ, khoân-tāi-se-iûⁿ
• Pak-ke̍k-khoân, Lâm-ke̍k-khoân, chhiah-tō khu-he̍k
• Oán-tang, Tiong-tang, kīn-tang

Guā-pōo liân-kiat

• World. The World Factbook. Central Intelligence Agency.
• Media related to World at Wikimedia Commons