Sin-hôa Thong-sìn-siā (新华通讯社), kán-chheng "Sin-hôa-siā", Tiong-kok kok-ka thong-sìn-siā, kok-lāi siāng-tōa ê sin-bûn sìn-sit chhái-chi̍p kah hoat-pò· tiong-sim. Hiān-jīm ê siā-tiúⁿ sī Tiân Chhong-bêng (田聪明).

kui-bô· siu-kái

Sin-hôa-siā ê chiân-sin sī "Âng-sek Tiong-hôa Thong-sìn-siā", sêng-li̍p tī 1931 nî 11 go̍eh, 1937 chiah ké-miâ kiò-chò "Sin-hôa-siā". 1949 nî, Tiong-hoâ Jîn-bîn Kiōng-hô-kok kiàn-kok liáu-āu, iû-kî sī 1978 nî Tiong-kok si̍t-hêng kái-kek khai-hòng í-āu, Sin-hôa-siā ê kui-bô· kah gia̍p-bū hōan-ûi ti̍t-thàu leh khok-tāi. Hiān-chú-sî, Sin-hôa-siā ê bo̍k-phiau sī chiâⁿ-chò "kū-iú Tiong-kok te̍k-sek ê siā-hōe-chú-gī hiān-tāi-hòa sè-kài-sèng thong-sìn-siā". Múi-chi̍t-kang, tī Sin-hôa-siā chiông-sū sin-bûn pò-tō, keng-êng kóan-lí kah ki-su̍t kang-chok ê lâng, chhiau-kòe chiâⁿ-bān.

Ki-kò· pian-chè siu-kái

Sin-hôa-sīa ê chóng-pō· siat-tī Pak-kiaⁿ. Chéng-kô ê sin-bûn chhái-chi̍p kah chhù-lí hē-thóng sī iû-tio̍h "chóng-siā, kok-lāi hun-siā, kok-gōa hun-siā" chit 3-ê pō·-hūn chó·-sêng.

Sin-hôa-siā tī kok-lāi siat-tī 33-ê hun-siā, tiàm chôan-kok 50-gōa-ê siâⁿ-chhī lóng-ū i ê chi-siā (Hàn-jī:支社) a̍h-sī kì-chiá-chām. Tī kok-gōa pah-gōa-ê kok-ka kah tē-khu mā-ū Sin-hôa-siā ê hun-siā. Che lia̍h-gōa, koh ū "A-Thài, La-Bí, Hui-chiu, Tiong-tang kah Hoat-gí tē-khu lóng-chóng 5-ê ē-tàng ti̍t-chiap hiòng kok-gōa hoat-pò· ê chóng-hun-siā.

Sin-bûn hoat-pò· lêng-le̍k siu-kái

Sin-hôa-siā taⁿ ū 1-ê chôan hong-ūi, to kong-lêng ê sin-bûn pò-tō· kah hoat-pò· thé-hē. Tī kok-lāi, múi-kang thong-kòe choan-sòaⁿ, hun-pia̍t hiòng Tiong-iong, séng (ti̍t-ha̍k-chhī), tē-kip-chhī, kōan (kōan-kip-chhī), bóan-pò, choan-gia̍p-pò, tiān-tâi, tiān-sī-tâi hoat-sàng kok-hāng sin-bûn sìn-sit, iōng Tiong, Eng, Hoat, Se, , A, Phû téng 7-chióng bûn-jī thàu-mê thàu-ji̍t teh hiòng chôan sè-kài pò·-sàng sin-bûn siau-sit, múi-kang hòng-sàng ê chóng-jī-sò· phó·-lio̍h 400-gōa-bān jī.

Bo̍k-chiân, Sin-hôa-siā í-keng tī hái-lāi-gōa kiàn-chō 1-ê pâng-tāi ê sin-bûn sìn-sit iōng-hō· bāng-lo̍k, pēng-chhiáⁿ hām chiong-kīn chiâⁿ-pah-ê gōa-kok kok-ka thong-sìn-siā a̍h-sī sin-bûn ki-kò· chhiam-tèng sin-bûn kau-ōaⁿ ha̍p-chok hia̍p-gī.

Chhut-pán mi̍h-á siu-kái

Sin-hôa-siā pian-chi̍p-pō· chhut-pán 20-gōa-chióng pò-chóa kah chu-khan. Sin-hôa Chhut-pán-siā múi-nî chhut-pán kok-hāng í sin-bûn kah sî-sū chèng-tī ûi-chú ê chheh, lóng-chóng 400-gōa-chióng.

Gōa-pō͘ liân-kiat siu-kái