Thó-îⁿ gîn-hô
Thó-îⁿ gîn-hô (Hàn-jī: 橢圓銀河; Eng-gí: elliptical galaxy) sī chi̍t chióng gîn-hô ê hêng-thài; ū ē-té ê bu̍t-lí te̍k-teng:
- Hêng-chhiⁿ ê ūn-tōng sī í bô-kui-chek ê ūn-tōng ûi-chú, hām kńg-lê gîn-hô í chū-choán ūn-tōng ûi-chú bô-kāng.
- Chí-ū sió-khóa-á chhiⁿ-chè bu̍t-chit, siàu-liân ê hêng-chhiⁿ chin chió, sòaⁿ-khui chhiⁿ-thoân ê sò͘-liōng iā bô chē.
- Lāi-té ê hêng-chhiⁿ khah chē sī nî-lāu, sio̍k-î tē-jī chhiⁿ-cho̍k ê hêng-chhiⁿ.
- Khah tōa ê thó-îⁿ gîn-hô lóng ū í lāu-nî hêng-chhiⁿ ûi-chú ê kiû-chōng chhiⁿ-thoân.
