智識簡單講就是咱會當利用咱對某一項物件的了解去做一寡代誌,遮的物件凡勢是事實、真相,抑是資訊,得著智識的過程號做學習,哲學對智識的研究號做智識論。

智識論 siu-kái


智識佮意義、資訊、指令、溝通、表達、學習、心理刺激遮的觀念有誠峇的關係。

智識佮資訊攏是咧講真相,毋過智識閣著強調目的抑是用途,哲學家共這號做資訊佮意圖的關連。

柏拉圖(Plato)的泰鄂提得斯(Theaetetus)發展出來的智識論,共智識看做是有正當理由的正實的信篤,毋過這干焦是智識的必要條件。

真相定定無法度確定,智識到底欲按怎確定?這个問題哲學家歷史學家社會學家猶誠有塊撨,路德維希‧維特根斯坦(Ludwig Wittgenstein)有寫一本"佇確實"(On Certainty)探討這款行動哲學的問題。

按怎講有正當理由 siu-kái

往過的哲學定共智識看做替信篤做正當理由,理由愈確定愈好,無理由的信篤干焦是一種可能的意見,智識論就是列處理智識的本質、起源佮範圍。

毋過信篤欲成做智識著愛有理由佮證據, 按呢才有正當理由講信篤是正實的。

智識用這種方式來定義會拄著"葛第爾問題 " (Gettier problem)。

懷疑主義 siu-kái

科學家抑是哲學家毋講"智識敢有可能?"的時,(人因)是表示"敢有充份的理由佮證據予人相信?"採取哲學懷疑主義的哲學家會講"無",因為(人因)採取上嚴格的態度來看待遮的理由佮證據,毋過無啥物證據是真正會當百分之百確定的,啊若採取 科學懷疑主義的科學家會等待證據有確定才接受。

智識管理 siu-kái


智識會當看做一个直直自我參考的系統,智識管理就是想欲了解一个組織內底按怎運用佮交換智識,對這个角度來看,智識的定義會定定改變,用經驗做底蒂, 智識會得通講是資訊咧變化的一个形式,啊資訊的本質就是對無仝的角度來解讀資料。

智識社會學 siu-kái


智識嘛會得看做社會的一種資本 (抑是別種角色) ,智識社會學科學智識社會學就是欲了解智識佮社會怎樣互動. 個人佮文化會使透過經驗、觀察佮推論來得著智識,智識若傳播出去,人就會變做閣較有創意,敢吸收新的想法佮做法,這个過程裡,智識就會得綴咧發展。

有人按呢講 siu-kái


1998年 T. Davenport佮一寡人講智識是一種資訊,伊佮經驗、頂的文,解讀、化謝敆做伙,變做誠價值,會當用踮決策佮行動。 1994年野中郁次郎(I. Nonaka)講智識一方面會當用正式,系統化的語言明確寫落來,閣會得傳播; 另外一方面智識藏佇人的頭殼內,誠僫形式化,嘛誠僫溝通。

返回 "Tì-sek" 頁面。