Thng Tek-chiong

Thng Tek-chiong (湯德章) 1907-1947, lāu-pē sèⁿ Sakai (坂井), Tâi-lâm-chhī lu̍t-su. I ê lāu-pē sī Ji̍t-pún kèng-chhat, siàu-liân tio̍h kòe-sin, i tòe lāu-bú sìⁿ. Ji̍t-pún Tang-kiaⁿ su-lip tāi-ha̍k chut-gia̍p, thong-kòe Su-hoat-kho khó-chhì, tńg-lâi Tâi-lâm chò lu̍t-su.

Thng Tek-chiong

Chiàn-āu i tī Tâi-lâm chin chhut-miâ, chham-gī-goân ê soán-kí tē lī koân phiò, āu-pó͘ chham-gī-goân. I bô ài chò koaⁿ, i chai-iáⁿ "Chò Tiong-kok koaⁿ tio̍h ài chia̍h-chîⁿ, goá bô ài bâi-bok kā-kī ê liông-sim".

Jī-jī-pat Sū-kiāⁿ ê sî, i tī Jī-jī-pat Sū-kiāⁿ Chhú-lí Úi-goân-hoē chò tī-an cho͘-tiúⁿ.

Kok-bîn-tóng ê kun-tuī lâi Tâi-lâm lia̍h i ê sî, i kā ū-koan ê miâ-toaⁿ sio-tiāu, pó-hō͘ chin chē lâng. tī Tâi-lâm-chhī ê Tai-chèng kong-hn̂g (Bîn-seng-le̍k-hn̂g) chhìⁿ-koat, kuí kang āu, Ko-téng-hoat-īⁿ phoàⁿ-koat "bô-choē".

1998 nî, Tâi-lâm chhī-chèng-hú kā "Bîn-seng-le̍k-hn̂g" kái-chò "Thng Tek-chiong kì-liām kong-hn̂g" lâi kì-liām i.