拍開主題選單

Tiong-Eng Liân-ha̍p Seng-bêng (中英聯合聲明), choân-chheng Tiong-hôa Jîn-bîn Kiōng-hô-kok Chèng-hú hām Tāi Put-lia̍t-tian kap Pak Ài-ní-lân Liân-ha̍p Ông-kok Chèng-hú koan-î Hiong-káng Būn-tê ê Liân-ha̍p Seng-bêng (中華人民共和國政府和大不列顛及北愛爾蘭聯合王國政府關於香港問題的聯合聲明), sī Tiong-hôa Jîn-bîn Kiōng-hô-kok hām Tāi Put-lia̍t-tian kap Pak Ài-ní-lân Liân-ha̍p Ông-kok chiū Hiong-káng bûn-tê kiōng-tông hoat-piáu ê chi̍t-hūn seng-bêng, tī 1984 nî 12 goe̍h 19 hō iû Tiong-kok Kok-bū-īⁿ Chóng-lí Tiō Chí-iông hām Eng-kok Siú-siòng Margaret Thatcher tī Tiong-kok Pak-kiaⁿ chhiam-tēng, Chòe-ko Léng-tō-jîn Tēng Siáu-pêng kap Tiong-kok Kok-ka Chú-sek Lí Sian-liām iā chāi-tiûⁿ kiàn-chèng. Siang-hong chèng-hú tī 1985 nî 5 goe̍h 27 hō hō͘-siong kau-ōaⁿ phoe-chún-su, pēng hiòng Liân-ha̍p-kok Pì-su-chhù teng-kì, Tiong-Eng Liân-ha̍p Seng-bêng chèng-sek seng-hāu, iā siōng-teng le̍k-sî 14 nî pòaⁿ ê hiong-káng kap Ò-mn̂g kòe-tō͘ sî-kî ê khai-sí.