Tiong-chèng Kì-liām-tn̂g
Tiong-chèng Kì-liām-tn̂g (中正紀念堂), iā ū lâng hō-chò Tiong-chèng-biō (中正廟), sī tī Tâi-oân Tâi-pak-chhī Tiong-chèng-khu lāi, chi̍t chō tong-chho͘ ūi-tio̍h beh lâi kì-liām chiân-chóng-thóng Chiúⁿ Kài-se̍k só͘ khí-chō ê tōa-hêng kiàn-tio̍k. Tiong-chèng Kì-liām-tn̂g sī choân Tâi-oân kui-bô͘ siōng-tōa ê Chiúⁿ Kài-se̍k kì-liām kiàn-tio̍k, choân-khu 250,000 pêng-hong kong-chhioh, chú-lâu koân 76 kong-chhioh. I-ê koán-lí ki-koan sī Kok-li̍p Tiong-chèng Kì-liām-tn̂g Koán-lí-chhù (國立中正紀念堂管理處).
Tī hn̂g-khu ê lâm-pak-pêng, lēng-gōa ū khí-chō Kok-ka Piáu-ián Gē-su̍t Tiong-sim Kok-ka Lióng-thiaⁿ-īⁿ koán-lí ê Kok-ka Hì-kio̍k-īⁿ kap Kok-ka Im-ga̍k-thiaⁿ; lo̍k-sêng í-lâi lóng sī Tâi-pak tē-khu tī kok-chè-siōng siōng-chhut-miâ ê tē-piau chi-it.
2007 nî 3 goe̍h 2 hō, bat kái-miâ chò Kok-li̍p Tâi-oân Bîn-chú Kì-liām-koán (國立臺灣民主紀念館).
Choân-kéng
siu-kái