Tiong-hôa Tâi-pak
Tiong-hôa Tâi-pak (中華臺北) sī Tiong-hôa Bîn-kok tī kok-chè sài-sū ê chú-iàu miâ-chheng, kán-chheng Tiong-hôa-tūi (中華隊) ia̍h Tâi-oân-tūi (臺灣隊). In-ūi sè-kài tōa-to-sò͘ kok-ka sêng-jīn "chi̍t ê Tiong-kok" ê gōa-kau chèng-chhek, 1981 nî 3 goe̍h 23 hō, Tiong-hôa Ò-lîm-phit-khek Úi-oân-hōe kap Kok-chè Ò-lîm-phit-khek Úi-oân-hōe tī Sūi-se chhiam-tēng hia̍p-gī kap he̍k-chún liáu-āu, koat-gī chhái-ēng chit-ê miâ-chheng, chò-ûi chham-ka kok-chè thé-io̍k ūn-tōng ê tāi-piáu-thoân miâ-chheng. Che hō͘ lâng kiò chò Ò-hōe bô͘-sek (奧會模式) ia̍h Ò-ūn Bô͘-sek (奧運模式).
