Bí-ti-oh

Bí-ti-oh (Eng-gí: video) sī chi̍t lūi tiān-chú mûi-thé, ē-tàng hông lio̍k-iáⁿ, khó͘-pih, hòng-sàng kiam hián-sī.

Bí-ti-oh ê phín-chit chú-iàu sī siū tio̍h kái-siōng-tō͘ (resolution) kap ōaⁿ-sin-lu̍t (refresh rate) ê éng-hióng. In hông siu-chûn ia̍h sī thoân-pò ê hong-sek chē khoán, ū keng-kòe bû-sòaⁿ-tiān, chû-tòa, kng-tiap ia̍h sī tiān-náu tóng-àn téng hêng-sek.

Iōng-gí

Chiàu bô-kâng tē-khu ia̍h tiûⁿ-ha̍p, bí-ti-oh ū "iáⁿ-siōng", "iáⁿ-phìⁿ", "lio̍k-iáⁿ", "sī-pîn" (視頻), "sī-sìn" (-訊), ia̍h "sī-siōng" téng kóng-hoat.