Thó-lūn:Hiân-ga̍k-khì

絃樂器

絃樂器是樂器內底的一支，指的是透過對絃刺激的方式，予絃顫動，進一步致使樂器出聲的樂器，欲予絃顫動，著有予絃本身產生張力的家私，這類的樂器嘛定定有予絃出聲了後，聲音通透過共鳴來譀大的設計佇咧。

若按照Hornbostel-Sachs系統的樂器分類學，這號原理的樂器號做絃鳴樂器。

產生聲音的方式

---

基本上這類的樂器產生聲音的方式，就是透過對絃共"掰"、"挨"抑是"擉"這三種手路，根據這三種方式，咱通共進一步分做"掰絃樂器"、"挨絃樂器"佮"擉絃樂器"。

• 掰絃樂器：掰絃出聲，用指頭仔、指甲或者是協助的家私來共絃掰振動，Gí-tah佮箏就屬佇這類。

• 挨絃樂器：挨絃出聲，手琴、絃仔佮大管絃就是按呢發聲的，挨仔頂懸四常會鬥馬尾的毛等等這款較(敖力)khê-chhat的物，用來直接挨絃。

• 擉絃樂器：擉絃出聲，鋼琴就是這類的樂器。

雖罔有懸頂的分類，毋過並無代表逐款樂器的奏法是固定的，比論手琴這類的挨絃樂器嘛是有掰絃的奏法佇咧咧。

遮的掠外，掰絃鋼琴 (harpsichord)佮鋼琴這兩種樂器，一般的無算做普通的絃樂器，怹閣另外做一類，號做琴子樂器。