2014 nî Tâi-pak Chia̍t-ūn bô-chha-pia̍t sat-jîn sū-kiāⁿ

2014 nî Tâi-pak Chia̍t-ūn bô-chha-pia̍t sat-jîn sū-kiāⁿ sī 2014 nî 5 goe̍h 21 ji̍t tī tùi Tâi-pak Chia̍t-ūn Nâ-soàⁿ Liông-san-sī-chām kàu Kang-á-chhùi-chām--ê lia̍t-chhia lāi-té ,iû Tēⁿ Chia̍t (鄭捷, 1993 nî - 2016 nî) the̍h kóe-chí-to-á chok-àn--ê bô-chha-pia̍t sat-jîn sū-kiāⁿ, chō-sêng 4-ê sí-bông, 24-ê tio̍h-siong.

Tēⁿ Chia̍t āu-lâi pī phoàⁿ-koat 4-ê sí-hêng kap thí-toat kong-khoân (褫奪公權) chiong-sin. Tī 2016 nî 4 goe̍h 22 ji̍t chip-hêng sí-hêng.