Bân-lâm hàn-jī

Bân·lâm hàn·jī sī the̍h·lâi siá Bân·lâm·gí pe̍h·uē ê hàn·jī. Bân·lâm hàn·jī tī Tâi·uân hui·siông liû·hîng, lı̍k·sú ê guân·thâu mā tsin tsá, tsē·tsē kīn·tāi ê Bân·lâm·gí thong·sio̍k bûn·ha̍k tsok·phín lóng tshut·hiān tī Tâi·uân, sóo·í tsit khuán hàn·jī mā hō·tsò Tâi·uân·jī ia̍h Tâi·gí hàn·jī. Bân·lâm hàn·jī ê piau·tsún·huà pí Huâ·gí bān. Tē·it pái iû kuann·hong tsìng·hú thui·tōng ê Bân·lâm hàn·jī piau·tsún·huà ūn·tōng sī 2009 nî tī Tâi·uân ê Tiong·huâ Bîn·kok tsìng·hú sóo tsíng·lí huat·piáu ê Tâi·uân Bân·lâm·gí Thui·tsiàn Iōng·jī, put·kò tsí·sī "thui·tsiàn" sìng·tsit, pīng bô kiông·tsè thóng·it. In·tshú, hām Pe̍h·uē·jī sio·pí, Bân·lâm hàn·jī ê tsiànn·jī iu·guân ū tn̂g·lōo ài kiânn.