Chú-ki-pán
Chú-ki-pán (主機板; motherboard "bú-pán") sī kò͘-sêng ho̍k-cha̍p tiān-chú hē-thóng pí-lūn tiān-chú kè-sǹg-ki ê tiong-sim ia̍h-sī tiān-lō͘-pán. Tián-hêng ê chú-ki-pán ē-ēng thê-kiong chi̍t-hē-lia̍t ê kap-chhùi-tiám, hō͘ chhú-lí-khì, hián-sī-khah, seng-hāu-khah, ngē-tia̍p, kì-ek-thé, tùi-gōa chong-tì téng-téng chong-tì chiap-ha̍p. In thong-siông ti̍t-chiap chhah-ji̍p iú-koan chhah-chô, ia̍h-sī iōng soàⁿ-lō͘ lâi liân-chiap. Chú-ki-pán téng siōng-kài tiōng-iàu ê kò͘-sêng goân-kiāⁿ sī cheng-goân-cho͘; cheng-goân-cho͘ thong-siông iû pak-kiô kap lâm-kiô lâi chó͘-sêng, mā ū chi̍t-kóa iōng tan-cheng-phìⁿ lâi siat-kè, cheng-kiông i-ê hāu-lêng. Chia-ê cheng-goân-cho͘ ūi chú-ki-pán thê-kiong chi̍t-ê thong-iōng pêng-tâi, hō͘ bô-kāng chong-tì liân-chiap, khòng-chè bô-kāng chong-tì ê kau-thong.
