chheng-tiâu boa̍t-nî ê bîn-cho̍k chú-gī ūn-tōng. Gī-hô-thôan khai-sí kiò Gī-hô-kûn, tī Soaⁿ-tang kah Ti̍t-lē tē-khu liû-hêng. 1898-nî 10-goe̍t, Giâm Su-khîn kah Tiō saⁿ-to tán-lâng chū-chiòng sio-húi Âng-thô-hn̂g kàu-tn̂g, thê-chhut hû-chheng bia̍t-iûⁿ ê kháu-hō. Chit-āu-sin koh hoat-seng chiok chōe kàu-àn. Chheng-tiâu chèng-hú khai-sí sī tân-ap, āu-lâi kái-ûi lī-iōng. Kiat-kó pat-kok liân-kun ji̍p-chhim, Chheng-chèng-hú pī-pek chhiam-tèng Sin-thiú Tiâu-iok.