HMS Cornwallis (1813)
HMS Cornwallis (HMS Cornwallis (1813)) sī tsi̍t-tsiah phuè-pī 74-mn̂g hué-phàu ê hông-ka hái-kun sann-liû kàm-thíng, tī 1813-nî 5-gue̍h 12ji̍t teh Bombay hā-tsuí.[1] Cornwallis-hō sī-iōng iū-bo̍k (柚木) kiàn-tsō ê. USS Constitution-hō tuì Java ê tsiàm-líng thui-tî Cornwallis-hō ê uân-kang, in-uī Java it-ti̍t uì Ing-kok tsah lâi Cornwallis ê tâng hōo-thò.[1]
Cornwallis tī1814-nî 5-gue̍h 31-ji̍t sái-kàu Kent kūn ê Deal, hōo-sàng sòo-miâ Tang Ìn-tōo siong-tsûn (pau-kuat Baring-hō Charles Mills hō kap Fairlie-hō) hām nn̄g-tsiah póo-king tsûn (pau-kuat Indispensable-hō).[2]
1815-nî 4-gue̍h 27-ji̍t àm, Cornwallis-hō kah Bí-kok tan-uî (單桅) phâng-tsûn Hornet-hō (1805) kau-tsiàn, āu-tsiá Hornet-hō ngōo-jīn Cornwallis-hō sī tsi̍t-tsiah siong-tsûn. Iû-î hué-li̍k giâm-tiōng put-tsiok, Hornet-hō hông hông pī-pik thiat-thè. Hornet-hō ê tsûn-guân uī-tio̍h làng-káng suà-lâi kā tsûn-tsiah, hué-tshìng kap kî-thann siat-pī tàn-loh hái-té.[3]
Tiong-kok teh tē-1 pái A-phiàn tsiàn-tsing tang-tiong sit-pāi liáu-āu, Ing-kok kah Tshong-kok ê tāi-piáu teh Lâm-kiann ê Cornwallis-hō tíng-kuân tâm-phuànn hô-pîng tiâu-iok. Tī 1842-nî 8gue̍h 29-ji̍t, Ing-kok tāi-piáu Henry Pottinger tsiok-sū kah Tshing-kok tāi-piáu Kiing (耆英), Ilibu (伊里布), Gû Kàm (牛鑑) teh Cornwallis-hō tsûn-tíng tshiam-sú Lâm-kiann tiâu-iok (南京條約).
1855-hō, Cornwallis-hō phuè-pī kńg-lê thui-tsìn tsong-tì, hué-phàu sòo-liōng kiám-tsió kàu 60 mn̂g;[4] pīng-tshiánn tsham-ka Crimean tsiàn-tsing, iû bī-lâi ê hái-kun siōng-tsiòng, tē-1 hái-bū tāi-sîn, Wellington kong-tsiok ê ti̍t-á George Wellesley lâi tsí-hui.
1865-nî, Cornwallis-hō teh Sheerness hông kái-kiàn tsò bé-thâu. Tī 1916-nî, Cornwallis-hō king-bîng tsò HMS Wildfire; pīng-tshiánn iōng-tsò ki-tē tsûn. Cornwallis-hō tsue-tsiong tī 1957-nî teh Sheerness kái-thé, kī i hā-tsuí tāi-iok 144-nî.[4]
Tsù-kái
siu-káiTsham-khó bûn-hiàn
siu-kái- Colledge, J. J.; Warlow, Ben (2006). Ships of the Royal Navy: The Complete Record of all Fighting Ships of the Royal Navy (Rev. pán.). London: Chatham Publishing. ISBN 978-1-86176-281-8.
- James, William (1837). The Naval History of Great Britain, from the Declaration of War by France in 1793, to the Accession of George IV. R. Bentley.
- Lavery, Brian (2003). The Ship of the Line - Volume 1: The development of the battlefleet 1650-1850. Conway Maritime Press. ISBN 0-851-77252-8.
- Parkinson, C. Northcote (1954). War in the Eastern Seas, 1793-1815. London: George Allen & Unwin. p. 421.
Tsham-ua̍t
siu-kái- First Opium War
- HMS Nymphe (1888)
- USS Hornet (1805)
