Hiong-káng Gí-giân-ha̍k Ha̍k-hōe Oa̍t-gí Pheng-im Hong-àn

Hiong-káng Gí-giân-ha̍k Ha̍k-hōe Oa̍t-gí Pheng-im Hong-àn (香港語言學學會粵語拼音方案), kán-chheng Oa̍t-pheng (粵拼), iû Hiong-káng Gí-giân-ha̍k Ha̍k-hōe tī 1993 nî chè-tēng ê Kńg-tang-ōe lô-má-hòa pheng-im hong-àn. I chè-tēng ê bo̍k-tek tī-leh ēng chi̍t thò kán-tan, ha̍p-lí, hó-o̍h, hó-ēng ê Kńg-tang-ōe gí-im choán-siá hong-àn lâi thóng-it siā-hōe kok-kài tī Kńg-tang-ōe pheng-im sú-iōng siōng ê hūn-loān chêng-hóng.