Hui-li̍p-pin tùi Tiong-kok

Hui-li̍p-pin tùi Tiong-kok (Eng-gí: Philippines v. China), mā thang kiò choè Lâm-hái tiōng-chhâi àn, Hui-li̍p-pin khòng-kò Tiong-kok àn, sī Hui-li̍p-pin kah Tiong-kok chi-kan in-ūi tī Lâm Tiong-kok Hái (Hui-li̍p-pin kiò i "Se Hui-li̍p-pin Hái") ê chú-khoân kiù-hun, Hui-li̍p-pin kin-kì Liân-ha̍p-kok Hái-iûⁿ-hoat Kong-iok iau-kiû Siông-siat Tiōng-chhâi Hoat-īⁿ tiōng-chhâi ê àn-kiāⁿ. 2016 nî 7 goe̍h 12 ji̍t, Siông-siat Tiōng-chhâi Hoat-īⁿ soan-phoàⁿ Tiong-kok tī Lâm Tiong-kok Hái bô choan-sio̍k keng-chè-khu koân-lī, m̄-kò Tiong-kok bô chiap-siu chit ê kiat-kó.