Kóe-chí-chiap
(Tùi Kó-chiap choán--lâi)
Kóe-chí-chiap (果子汁; Eng-bûn: juice), he̍k-chiá kó-chiap (果汁), sī kā sin-sian kóe-chí ká-chiap chè-chok chhut-lâi ê chi̍t khoán ím-liāu; tī kóng-gī siōng, juice iā pau-hâm iōng chheⁿ-chhài ká-chiap chè-chok chhut-lâi ê so͘-chhài-chiap (蔬菜汁). Lī-iōng bô-kāng kóe-chí chè-chok ê kóe-chí-chiap ū-hâm kok-chū bô-kāng khoán ê bî-tá-mín êng-ióng, in-chhú pī tòng-chò sī tùi kiān-khong iú-ek ê ím-liāu; put-jī-kò, i iā ū khiàm-khoeh só͘-ū bî-tá-mín kap thn̂g-hūn kòe-liōng téng-téng ê khoat-tiám. Bo̍k-chêng chhī-bīn só͘ bē ê kóe-chí-chiap ē-ēng hun-chò lông-siok kó-chiap, lông-siok-hoân-goân kó-chiap kap hui-lông-siok-hoân-goân kó-chiap. Kî-tiong, lông-siok-hoân-goân kó-chiap sī siōng chia̍p-khòaⁿ ê kóe-chí-chiap chióng-lūi.
