Ka-tī

Ka-tī ia̍h ka-kī sī chi̍t-ê kò-thé tùi i kò-jîn pún-sin ê jīn-ti khài-liām.

Siā-hōe-ha̍k lí-lūn

Charles Horton Cooley thê-chhut kiàⁿ lāi ka-tī (eng. looking-glass self) ê khài-liām, jin-ûi lâng tùi ka-tī ê jīn-sek sī tī jîn-chè kau-liû chi tiong hoat-tián seⁿ-sêng--ê, mā sī hoán-èng pa̍t-lâng ê khoàⁿ-hoat.

George Herbert Mead thê chhut it-poaⁿ-hoà tha-chiá (generalized other) ê koan-liām, kóng lâng ē kā kûn-thé lāi-bīn kò-piat ê tha-jîn ha̍p chò chi̍t-ê chéng-thé, pēng-chiá hoán-èng chit-ê chéng-thé tùi ka-tī ê thāi-tō͘.

Lēng-goā, Erving Goffman mā thê chhut ìn-siòng koán-lí (impression management) ê koan-tiám, jîn-ûi lâng ē khó-lū pat-lâng ê koan-kám, tio̍h ná chhiūⁿ chò-hì lâi piáu-hiān ka-tī siūⁿ-beh hō͘ lâng kám-siū ê ka-tī.

Siong-koan

• Siā-hoē-hoà
• Jīn-ti
• Ì-sek
• Sim-lí

Chham-khó

• Richard T. Schaefer. Sociology (9 pán.). McGraw-Hill. ISBN 0-07-295299-7.