Khó-ge̍k hoán-èng
Khó-ge̍k hoán-èng (可逆反應) sī kóng thong-siông tī kāng chi̍t-ê tiâu-kiāⁿ hā chiàⁿ-hoán-èng hong-hiòng kap ge̍k-hoán-èng hong-hiòng lóng ē-tàng chìn-hêng ê hòa-ha̍k hoán-èng, thang siá chò:
Seng-sêng-bu̍t piàn chò hoán-èng-bu̍t ê sok-lu̍t sè kàu ē-tàng hut-lio̍k ê hoán-èng hō-chò put-khó-ge̍k hoán-èng. Sū-si̍t-siōng, cho̍at tōa-to-sò͘ ê hoán-èng lóng sī khó-ge̍k hoán-èng, chí-put-kò in-ê khó-ge̍k thêng-tō͘ khah sè, it-poaⁿ kā in tòng-chò sī put-khó-ge̍k hoán-èng. Khó-ge̍k hoán-èng ài tī chi̍t-ê hong-pì ê hē-thóng lāi, nā bô, tng seng-sêng-bu̍t sī khì-thé, ū khó-lêng ē hō͘ seng-sêng-bu̍t chìn-ji̍p tāi-khì, tì-sú ge̍k-hiòng hoán-èng bô-hoat-tō͘ hoat-seng, chòe-āu piàn chò put-khó-ge̍k hoán-èng. Tī chiàⁿ-hiòng hoán-èng (chiàⁿ-hoán-èng, hiòng-iū ê hoán-èng) ê sok-lu̍t kap ge̍k-hiòng hoán-èng (ge̍k-hoán-èng) ê sok-lu̍t kāng-khoán ê sî, khó-ge̍k hoán-èng ta̍t-kàu hòa-ha̍k pêng-hêng.