Khai-káng ke-khì-lâng

Khai-káng ke-khì-lâng (Eng-gí: chatbot) sī thàu-kòe tùi-ōe ia̍h bûn-jī chìn-hêng kau-tâm ê tiān-náu thêng-sek, ē-sái bô͘-gí jîn-lūi tùi-ōe pēng thong-kòe Turing chhì-giām, mā kū-pī si̍t-iōng-sèng, chhin-chhiūⁿ kheh-hō͘ ho̍k-bū ia̍h chu-sìn he̍k-chhú. Ū-ê khai-káng ke-khì-lâng ē tah-chài chū-jiân gí-giân chhú-lí hē-thóng, m̄-koh chē-chē kán-tan ê hē-thóng kan-na ē thê-chhú su-ji̍p ê koan-kiān-jī, chiah tùi gí-liāu-khò͘ lāi-bīn chhiau-chhōe siāng-kài sek-ha̍p ê èng-tap. Bo̍k-chiân, khai-káng ke-khì-lâng sī hi-gí chō͘-lí ê chi̍t pō͘-hūn, ē-sái hām chē-chē chó͘-chit ê èng-iōng thêng-sek, bāng-chām kap thong-sìn pêng-tâi sio-chiap. Hui-chō͘-lí èng-iōng thêng-sek pau-hâm gû-lo̍k bo̍k-tek ê khai-káng-sek, gián-kiù kap te̍k-tēng sán-phín chhiok-siau kap siā-kau ke-khì-lâng téng-téng.