Kho-ha̍k-tek hong-hoat

Kho-ha̍k-tek hong-hoat (Eng-gí: scientific method) sī tùi tiâu-cha hiān-siōng, chhái-chhú sin tì-sek, he̍k-chiá sī siu-chi̍p kap chéng-ha̍p goân-lâi chûn-chāi ê tì-sek ê chi̍t thò ki-su̍t thé-hē.

Kīn-tāi kho-ha̍k tùi kho-ha̍k gián-kiù ê kòe-têng ū chi̍t khoán lí-sióng, sī pau-koat hē-thóng-tek koan-chhâ, chhek-liōng, si̍t-giām; chìn chi̍t pō͘ koh ū tùi ha̍k-soat (hypotheses) ê kong-sek-hòa, chhì-giām kap siu-kái. Chóng-sī si̍t-chè ê kho-ha̍k gián-kiù khang-khòe sī keng-ka ho̍k-cha̍p--ê.