Koh-oa̍h-cheh Khí-gī
Koh-oa̍h-cheh Khí-gī (Éire-gí: Éirí Amach na Cásca, Eng-gí: Easter Rising), sī 1916 nî Ho̍k-oa̍h-cheh hit chām-á (4 goe̍h 24 kàu 30 ji̍t) chú-iāu tī Ài-ní-lân siāng-toā siâⁿ-chhī Baile Átha Cliath (Dublin), iû Ài-ní-lân to̍k-li̍p ūn-tōng chi-chhî-chiá khí--ê bú-le̍k khí-sū (起事). To̍k-li̍p-phài chiàm-niá Dublin Iû-chèng Chóng-kio̍k téng kiàn-tio̍k, hoat-piáu Koh-oa̍h-cheh Soan-giân, soan-kò Ài-ní-lân to̍k-li̍p.
Sui-bóng lo̍h-bé sit-pāi, Tāi-eng Tè-kok Chèng-hú kā chi̍t-koá chham-ú-chiá phoàⁿ sí-hêng, m̄-koh mā hō͘ koh-khah chē--ê Ài-ní-lân jîn-bîn thīn to̍k-li̍p, tùi to̍k-li̍p ūn-tōng ū it-tēng--ê éng-hióng.