Laplace piàn-oāⁿ

Laplace piàn-oāⁿ (Laplace transform) sī tī èng-iōng sò͘-ha̍k lāi-bīn chia̍p-chia̍p teh sú-iōng ê chi̍t khoán chek-hun piàn-oāⁿ hong-hoat, tī sò͘-ha̍k ê ūn-sǹg-siōng siá chò $\displaystyle {\mathcal {L}}\left\{f(t)\right\}$. Laplace piàn-oāⁿ sī chi̍t chióng soàⁿ-sèng piàn-oāⁿ, i-ê tēng-gī sī:

$F(s)=\int _{0}^{\infty }f(t)e^{-st}\,dt.$

Tī tōa-pō͘-hūn ê èng-iōng tiong, Laplace piàn-oāⁿ lóng sī choân-tan-siā ê hâm-sò͘. Laplace piàn-oāⁿ ê miâ-chheng sī ùi Hoat-kok ê thian-bûn-ha̍k-ka kiam sò͘-ha̍k-ka Pierre-Simon Laplace lâi hō-miâ ê; i tī ki-lu̍t-lūn ê gián-kiù tiong thâu-seng ín-ji̍p chit-ê hong-hoat. Laplace piàn-oāⁿ kap Fourier piàn-oāⁿ ū-koan-hē.