Pó-sêng Kang-gia̍p

Pó-sêng Kang-gia̍p Kó͘-hūn Iú-hān Kong-si (寶成工業股份有限公司) sī Tâi-oân ê chi̍t keng ê-á tāi-kang khì-gia̍p. Pó-sêng Kang-gia̍p bo̍k-chiân tāi-kang ê chú-iàu kok-chè phín-pâi kheh-hō͘pau-hâm Nike, Under Armour, Adidas, Reebok, Asics, New Balance, Puma, Converse, Merrell, Salomon, kap Timberland téng, mā sī Tâi-oân khòa-kok khì-gia̍p tiong chió-sò͘ í Tiong Tâi-oân chò ki-tē--ê. 2008 nî 6 goe̍h, Forbes kong-pò͘ Pó-sêng Chi̍p-thoân chhòng-pān-jîn Chhòa Kî-sūi châi-hù chēng-ta̍t 12-ek Bí-kim, liân-sio̍k 4 tang pâi Tâi-oân tē-20. Keh-nî, Thian-hā Cha̍p-chì kong-pò͘ Tâi-oân 1000 tōa chè-chō-gia̍p pâi-hâng-póng, Pó-sêng í êng-siu chóng-gia̍h Sin-tâi-phiò 2306.59-ek kho͘ pâi Tâi-oân chè-chō-gia̍p chiūⁿ-chhī kong-si tē-18 miâ. Pó-sêng ê chú-iàu kēng-cheng tùi-siōng ū Hong-thài téng-téng.