Pang-chān:地動

地動，簡單講，是一種發生佇地球外殼个震動。

宇宙空間內个萬物攏是不斷咧運動，地球嘛無掠外，運動會產生能量，當當地球內部个能量粒積甲超過一定个程度，地殼接chàn袂牢，地球地底个岩層出現裂痕佮攝襇，了後地底个能量著chôaⁿ規大垺攏總濺出來，並且形成地動波向四箍輾轉湠出去，造成地動，一般來講，凡若強烈个地動過後，往往會閣相連紲出現一寡仔小地動。

地動波

地動波是一種彈性波，分做橫波佮直波兩種，橫波傳播个速度是3~4公里/秒,直波傳播个速度是5~6公里/秒，橫波致使塗跤hi̍t佮搖，直波致使塗跤摵佮tiō，地動發生个時，直波先到，橫波晏到，直波隨來隨去，橫波那來那猛，橫波是造成地面建築物損害个主要因素。

地動个大細

表示地動大細个標準，有震級佮烈度兩个指標。

地動个類型

分做人為佮天然兩種。

地動个危害

地動是地球頂主要个自然災害，地球頂差不多每工攏有地動咧發生，其中大多數是小地動，並且發生佇偏遠个山區，強烈个地動一旦發生佇人類生活區，往往會造成大規模个傷亡佮損失。

陸地上个大地動定定致到厝塌、樹仔倒，崩山裂地，人畜傷亡。

大海个大地動往網閣會引起海漲，造成閣較大个災難。

如何佇地動个時保護咱家己

發生這款天災个時陣，代先是愛冷靜，千萬毋通生狂，若准明顯感覺著地動个時，著愛趕緊來逃生，會記毋好四界傱，覕个時陣毋好走傷遠，愛注意保護頭殼。

地動發生个時，盡量愛趕緊離開厝間，走去較闊曠、較通俍个所在閃避，準講暫時無法度離開厝間个，會當覕踮遐个結構較絚、較有擋頭个家具下面，抑是一寡仔較狹、較siok-kiat个房間仔內，按呢著會當減少著傷个機會，不而過，當當地動有回落來个時，著愛趕緊來離開蹛个所在。