Pat-jī-sam Phàu-chiàn

Pat-jī-sam Phàu-chiàn, mā ū-lâng kā kiò-chò Tē-jī Kái Tâi-oân Hái-kiap Hûi-ki (Eng-gí: Second Taiwan Strait Crisis), kóng--ê sī 1958-1979 nî (chiàn-cheng siōng hiông ê sî sī 1958 nî 8-goe̍h 23 kàu 10-goe̍h chhe-5 chi-kan) hoat-seng tī Kim-mn̂g, Má-chó͘ kah kî-thaⁿ Tiong-kok Tāi-lo̍k tang-lâm hái-hōaⁿ koh ū tó-sū ê kui-hiat-lia̍t ê chiàn-cheng chóng-chheng. Tiong-kok Jîn-bîn Kái-hòng-kun chham Tiong-hôa Bîn-kok Kok-kun kō͘ keh-hái sio tōaⁿ chò chú-iàu ê chiàn-su̍t hêng-tōng, só͘ -í kā hō-chò "phàu-chiàn".