Pah-hun-pí

Pah-hun-pí, pah-hun-lu̍t (百分率), iah-sī pha̋-siàn-tò͘ (kán-lio̍kː pha), sī piáu-ta̍t pí-lu̍t (比率)--ê chò-huat, chiū sī "1/100 (pah-hun-chi-it, 0.01)--ê kúi-poē". Sò͘-ha̍k hû-hō sī "%", ke tī sò͘-ti̍t āu-piah, pí-lūn: 0.27 thang piáu-sī chò $27\%$, tha̍k-chò "pah-hun chi jī-cha̍p-chhit" iah-sī "jī-cha̍p-chhit pha".

Gí-goân

Pha̋-siàn-tò͘ sī Ji̍t-gí パーセント (Hùn-lēng-sek: Pâsento)--ê im-e̍k (音譯), sī La-teng-gí per centum (múi chi̍t-pah) keng-iû Eng-gí percent thoân--lâi--ê.

Iōng-hoat

Thang kā chi̍t ê hun-sò͘ ia̍h-sī sió-sò͘ iōng pah-hun-pí lâi piáu-sī. Seng kā i piau-chò sió-sò͘, koh sêng-í $100\%$, oāⁿ-chò 0.01--ê poē-sò͘. Lē:

${\frac {1}{8}}=0.125=0.125\times 100\%=12.5\%$

$0.349=0.349\times 100\%=34.9\%$

Chún-nā $A=12$, $B=8$, A tio̍h-sī B--ê $12/8=1.5\times 100\%=150\%$, tio̍h-sī A khah chē B $50\%(=150\%-100\%)$.

Chham-khó

• chhian-hun-bí (‰)
• bān-hun-pí (‱)
• hun-sò͘