Sūi-io̍k Pòaⁿ-tō-thé

Sūi-io̍k Pòaⁿ-tō-thé Kó͘-hūn Iú-hān Kong-si (Hàn-jī: 瑞昱半導體股份有限公司; Eng-gí: Realtek Semiconductor Corp.) tī 1987 nî 10 goe̍h 21 hō sêng-li̍p, sī Tâi-oân ê chi̍t keng bô-chhiúⁿ pòaⁿ-tō-thé kong-si. 2016 nî sī choân-kiû 10 tōa bô cheng-îⁿ IC kiong-èng chhiúⁿ chi-it, mā sī Tâi-oân tē-saⁿ tōa IC siat-kè kong-si. Sūi-io̍k í Sin-tâi-phiò 200-bān khí-ke, chi̍t-khai-sí sī teh seng-sán tiān-náu chiu-piⁿ iōng-phín, bóe-á khai-sí gián-hoat bāng-lō͘ cheng-phìⁿ, tī 1991 nî thui-chhut Tâi-oân tē-it lia̍p ka-kī gián-hoat ê it-thài bāng-lō͘-khah khòng-chè-khì RTL8002. 1995 nî 9 goe̍h chiâⁿ-chò Tâi-oân tē-it keng chhú-tit ISO 9001 jīn-chèng ê IC siat-kè kong-si, 1998 nî tī Tâi-chèng-só͘ kòa-pâi chiūⁿ-chhī. 2006 nî 9 goe̍h chhú-tit ISO 14001 jīn-chèng. Kàu 2017 nî, Sūi-io̍k ê êng-gia̍p-gia̍h í-keng ū Sin-tâi-phiò 416-ek îⁿ.